Ալեակ Մկրեան

Կը քաջալերեմ բոլոր անոնք, որոնք կը տատամսին այս ճամբարներուն մասնակցելու, անպայման միանան մեզի, որովհետեւ հոն պիտի գտնեն հաճելին՝ օգտակարին կողքին։

Այս տարի երկրորդ անգամ ըլլալով, առիթը ունեցայ մասնակցելու Ուիքի Ճամբարին՝ հայրենի հողին վրայ։
Ինծի համար շատ գեղեցիկ փորձառութիւն մըն էր, որովհետեւ նախ խմբագրելու աւելի երկար առիթ ունեցանք, կեդրոնացած երկար ժամեր տրամադրեցինք, զարգացնելու արեւմտահայերէն Ուիքիփետիան։ Այս ճամբարներուն  առիթ ունեցանք նաեւ նոր ընկերներ ունենալու, անոնց մտածելակերպին ու ապրելաձեւին ծանօթանալու, ինչպէս նաեւ ճամբարներէն ետք անոնց հետ այդ կապը պահելու։
Պէտք է ըսել նաեւ, որ կազմակերպիչ մարմինները ոչ մէկ ճիգ խնայած էին հանգստաւէտ եւ հաճելի միջավայր մը ստեղծելու մեր բոլորին համար։